ЦАГДААГИЙН ХОЁР ХУРАНДАА ПОЛЬШ УЛСАД ЭРЭН СУРВАЛЖЛАГДАЖ БАЙНА

Бүгд найрамдах Польш улсын прокурорын байгууллагаас эрэн сурвалжлагдаж буй иргэдийн мэдээллийг нээлттэйгээр гаргасан байдаг. Эрэн сурвалжлагдаж буй иргэдийн дотор 70 орчим Монгол иргэн байна. Польш улсын хилээр эргэж орохгүйгээр хуулийн хоригт орсон 69 монгол иргэний дотор манай улсын дипломатууд олноороо байгаа нь анхаарал татаж байгаа юм. Нэр холбогдсон 69 дипломатчдын дотор Нийслэлийн цагдаагийн газрын дэд дарга, цагдаагийн хурандаа Ш.Цогтбаатар, Дотоод хэргийн их сургуулийн багш Д.Энхбаяр нарыг Польш Улсын Цагдаагийн байгууллага эрэн сурвалжилж байна. Эдгээр хоёр албан хаагчийг ажлаас нь чөлөөлөх эсэх асуудлаар ЦЕГ -ын дарга, цагдаагийн хурандаа С.Баатаржаваас тодрууллаа.