​АНУ БА СИНГАПУРЫН ХАМТАРСАН ХЭЭРИЙН СУРГУУЛИЙН ҮЕЭР ЖИНХЭНЭ УСАН ОНГОЦ ЖИВҮҮЛЖ БАЙЛДАХ ЧАДВАРАА ШАЛГАЖЭЭ

АНУ ба Сингапурын тэнгисийн цэргийн хүчний "Pacific Griffin 2019" хамтарсан хээрийн сургуулийн үеэр жагсаалаас хасаад байсан хуучирсан байлдааны усан онгоцыг буудаж, бөмбөгдөн живүүлсэн тухай АНУ-ын Тэнгисийн цэргийн хүчний хэвлэлийн албанаас мэдээлсэн байна. 2013 онд жагсаалаас хассан USS Ford (FFG 54) нэртэй фрегат ангиллын байлдааны усан онгоцыг Гуам арлаас 170 далайн бээрийн зайтай газар хоёр улсын байлдааны усан онгоцнууд, эргүүлийн нисэх хүчний нисдэг тэрэгнүүд, В-52 стратегийн бөмбөгдөгч зэрэг зэвсэглэл бодит буудлага, бөмбөгдөл хийж живүүлсэн байна. Ингэснээр далайн бодит байг байлдааны сумаар устгах бодит ажиллагааг явуулан байлдах чадвараа шалгасан гэж Америкийн цэргийнхэн мэдэгджээ.