ТАЛИЙГААЧИЙГ ГАР УТАС ХЭРЭГЛЭСЭН ШАЛТГААНААР БҮЛЭГЛЭН ЗОДОЖ АМИЙГ НЬ ХОХИРООЖЭЭ

Зэвсэгт хүчний 336-р ангийн байлдагч Б.Алтантулга амиа алдахад хэн, хэн ямар оролцоотой байв. Шүүгдэгч Р.Вандлхангаа нь Зэвсэгт хүчний 336 дугаар ангид Мотобуудлагын бателоны танкийн ротын 1 дүгээр салааны механик, жолоочоор ажиллаж байсан Шүүгдэгч А.Энхбаяр нь Зэвсэгт хүчний 336 дугаар ангид Мотобуудлагын бателоны танкийн ротын захирагчаар ажиллаж байсан.

Шүүгдэгч Р.Вандлхангаа, А.Энхбаяр нар нь Зэвсэгт хүчний 336 дугаар ангид хугацаат цэргийн алба хааж байсан захирагдагч, байлдагч Б.Алтантулгатай цэргийн дүрмийн бус байдлаар харьцан, гар утас хэрэглэсэн гэх шалтгаанаар хөнжил, пүүгээг үүрүүлэн гүйлгэж, галуун цуваагаар алхуулсан, мөн хууль, түүнд нийцүүлэн гаргасан захиргааны хэм хэмжээний актаар хүлээсэн үүргээ билүүлэлгүй, хугацаат цэргийн алба хаагч нарт гүйлгэх дүрмийн бус шийтгэл оногдуулсны улмаас байлдагч Б.Алтантулгын амь насыг болгоомжгүй хохироосон гэж шүүх үзлээ.

Шүүгдэгч П.Бадамсамбуугийн тухайд Зэвсэгт хүчний 336 дугаар ангид Мотобуудлагын бателоны миномётын бателоны салаан захирагчаар ажиллаж байсан. Монгол Улсын Зэвсэгт хүчний 336 дугаар ангийн байранд захирагдагч байлдагч Б.Алтантулгатай дүрмийн бус харьцан, зодож, хүч хэрэглэсэн тул тус бүрд 5 жил хорих ял оноосон юм.