КАЛГАРИД ХЭТ ЭРТ ЦАС ОРСНЫ УЛМААС НЭГ ӨДӨРТ 170 АВТО ОСОЛ ГАРЧЭЭ

Канадын Альберта мужийн Калгари хотноо энэ жил хэт эрт их хэмжээний цас орсны улмаас авто зам дээр олон арван осол гарсан тухай орон нутгийн СВС суваг мэдээлсэн байна. Одоогийн байдлаар цагдаагийн газар бүртгэж байгаа авто ослын тоо 171 болж, гэмтсэн хүний тоо 13 болсон байна.

Иймд хүмүүсийг гадуур явахдаа хувийн машинаасаа татгалзаж, нийтийн зорчигч тээврийн хэрэгсэл ашиглаж байхыг хотын эрх баригчдаас уриалсан байна. Калгарид жил болгон аравдугаар сарын сүүлээр л анхны цас ордог ч энэ жил ийнхүү есдүгээр сарын сүүлийн өдөр хэт их цас орсон байна. Үүнээс өмнө 2014 оны есдүгээр сарын 8-нд 10 см цас орж байсан бол түүнээс өмнө 1921 оны есдүгээр сарын 8-нд 12 см цас орж байжээ.