БОСОО ХӨХ МОНГОЛ ТББ-ЫН ТЭРГҮҮН Г.ГАНХУЯГИЙГ УВС АЙМГААС БАРИВЧИЛЖЭЭ

Босоо хөх монгол ТББ-ын тэргүүн, Улсын харцага Г.Ганхуягийг өчигдөр Увс аймгийн цагдаагийн алба хаагчид дайчлан баривчилжээ. Барилчилгааны үеэр арав гаруй цагдаагийн алба хаагч ажилласан бөгөөд яг одоо түүнийг Улаанбаатар луу авчирч байгаа юм байна. Түүнийг дайчлан баривчилсан шалтгаан нь трансжендер иргэдийн талаар өөрийн цахим хуудаснаа мэдээлэл бичиж, тэдний эрхэнд халдсан гэх үндэслэлээр 30 хоног цагдан хорих шүүхийн шийдвэр гарсан учир баривчилгаа явагдсан гэдгийг Г.Ганхуяг хэллээ.

Энэ талаар нутгийн иргэд хэлэхдээ, "Өчигдөр харуй бүрийгээр Увс нуурын хөвөөнд байх Орлогын овооны дэргэд 30 гаруй машинтай, 120-130 орчим хүн байсан. Тухайн овоог нутгийн иргэд шүтдэг учир элдэв зан үйл хийхийг цээрлэдэг. Ирсэн хүмүүс чонын арьс нөмөрсөн, хажуудаа чонын арьс тавьсан хүмүүс байсан. Тиймээс бөөгийн зан үйл хийх гэж байгаа бол болохгүй гэдгийг анхааруулж, овооноос буулгасан" гэсэн мэдээллийг өгч байна.