ХЭНТИЙ НАМРЫН БАЯР АРГА ХЭМЖЭЭНИЙ ҮЕЭР 200 ГАРУЙ САЯ ТӨГРӨГИЙН БОРЛУУЛАЛТ ХИЙЖЭЭ

Хэнтий намрын баяр арга хэмжээг 13 дах жилдээ амжилттай зохион байгуулагдаж, 18 сум, 5 тосгоны 300 гаруй иргэн аж ахуйн нэгжүүд оролцож, 2 хоногийн дотор 200,0 орчим сая төгрөгийн борлуулалт хийжээ. Хэнтий намрын баяр арга хэмжээг жил бүр зохион байгуулсны үр дүнд өнгөрсөн жил 10 нэр төрлийн бүтээгдэхүүн шинээр нэмэгдсэн бол энэ удаад Хэрлэн суманд витаминжуулсан цай, артишок, зөгийн бал, Бор-өндөр суманд гоо сайхны бүтээгдэхүүн, Цэнхэрмандал суманд цэвэр чацарганы шүүс, айраг, Дадал суманд Гишүүний хатаамал зэрэг бүтээгдэхүүнүүдийг шинээр үйлдвэрлэж эхэлсэн байна. Мөн Дэлгэрхаан сумын Монгол Хучир сав баглаа боодлоо шинэчилж, Биндэр сумын сараана брэнд нэр төрлөө олшруулж зөгийн балаар гоо сайхан, гэр ахуйн бүтээгдэхүүн хийж эхэлжээ. Батноров сүү цагаан идээний багц бүтээгдэхүүн гаргажээ. Мөрөн суманд Герман зөвлөхтэй хамтран европ технологиор ямааны сүүгээр бяслаг хийсэн нь онцлог байлаа. Энэ мэтчилэн маш олон төрлийн бүтээгдэхүүнүүд шинээр нэмэгдсэн байна.