ХЭНТИЙ АЙМАГТ ЗАЛУУСЫН ГАРААНЫ БИЗНЕСИЙГ ДЭМЖИХ ХӨТӨЛБӨР АМЖИЛТТАЙ ХЭРЭГЖИЖ БАЙНА

ХЭД Сангаас Залуучуудын гарааны бизнесийг дэмжих хөтөлбөрийг хэрэгжүүлж хувиараа хөдөлмөр эрхлэх сонирхолтой залуусд дэмжлэг үзүүлдэг. Өнгөрсөн жил Хэнтий аймгаас тус хөтөлбөрт 4 баг шалгарч нийтдээ 40 сая төгрөгийн зээл авч үйл ажиллагаагаа эхлүүлсэн байдаг. Тэдний нэг болох Э.Нэргүйбаатар нь мод, модон эдлэлийн чиглэлээр үйл ажиллагаа явуулдаг бөгөөд бүрэн сийлбэртэй 5 ханатай монгол гэр урлажээ. Тус гэрийг 4 сарын турш гар аргаар хийсэн бөгөөд, цуулбар унь, ханатай, багананд нь 4 хүчтэнийг сийлж барын нүд чулуугаар чимэглэжээ. Мөн орон нутгийн "Алсын солонго" ХХК-аас нийгмийн хариуцлагынхаа хүрээнд түүнийг 3 дах жилдээ ажлын байраар үнэ төлбөргүй хангаж үйл ажиллагааг нь дэмжин ажиллаж байна. Энэхүү хөтөлбөрт хамрагдсан бусад залуус ч мөн кофе шоп, мах махан бүтээгдэхүүн, хивс цэвэрлэгээний газар ажиллуулж, үйл ажиллагаа нь тогтворжжээ.