​ӨДӨР БОЛГОН ХИЙЖҮҮЛСЭН САХАРТАЙ УНДАА ИХ ХЭМЖЭЭГЭЭР УУДАГ ХҮН ГАРАА ТАЙРУУЛАХ ШАХЖЭЭ

Малайзын Селангор мужийн Раванг хотод амьдардаг хүн өдөр болгон хийжүүлсэн сахартай ундаа их хэмжээгээр уудаг хүн гараа тайруулах шахсан тухай "Unilad" сайт мэдээлсэн байна. Мод Разин Мохамед гэдэг 56 настай хүн өдөр ажил дээрээ хоёроос дээш лааз хийжүүлсэн, сахартай ундаа тогтмол уудаг зуршилтай хүн байжээ. Үүнээс болоод чихрийн шижинтэй болсон байна. Үүнийгээ мэдэлгүй яваад ажил дээрээ ухаан алдаж унасны дараа эмнэлэгт үзүүлээд чихрийн шижинтэй болсноо мэджээ. Гэтэл төд удалгүй чихрийн шижингээс болоод нуруун дээр нь том буглаа үүсэж, тэр нь дамжсаар баруун гар нь бүхэлдээ үжиж эхэлсэн байна. Гэвч чихрийн шижингийн үед мэдрэлийн эсүүд үхжин өвчин мэдрэх чадвараа алддаг тул үүнийгээ мэдэлгүй явсаар эмнэлэгт хандах үед шархнаас нь яс нь цухуй байсан аж. Түүнд яаралтай хагалгаа хийж гарыг нь тайралгүй үлдээсэн ч амьдралын хэв маягаа яаралтай өөрчилж, хийжүүлсэн сахартай ундаанаас татгалзах хэрэгтэйг эмч нар сануулжээ. Гэвч Мод Разин Мохамед өдөрт хэрэглэдэг сахарын хэмжээгээ багасгана гэж амласан аж.