​АМЕРИК УСТӨРӨГЧИЙН БӨМБӨГИЙН ТУРШИЛТ ХИЙЖ БАЙНА

АНУ-ын армийн туршилтын талбарууд дээр цөмийн байлдааны хэсэг бүхий В61−12 агаарын бөмбөгийг туршилтыг үргэлжлүүлэн хийж байгаа тухай АНУ-ын Эрчим хүчний яамны дэргэдэх Цөмийн аюулгүй байдлын үндэсний удирдах газар мэдээлжээ.

Өнгөрсөн наймдугаар сард В61−12 устөрөгчийн бөмбөгийн цөмийн цэнэгт хошуугүйгээр онгоцноос хаяж дадлага хийсэн гэдгийг тус мэдэгэлд онцолжээ. Невада мужийн Тонопа туршилтын талбар дээр хийгдэж байгаа эдгээр туршилт нь В61 халуун цөмийн бөмбөгийн хадгалалтын хугацааг уртасгах, сайжруулах шинэчлэх зорилготой юм байна. Хараахан дуусаагүй байгаа туршилтын үеэр энэхүү бөмбөгийг F-16 онгоцноос хаяж турших юм байна. Америкийн армийн бригадын генерал Тай Ньюман энэ тухай "B61−12 нь стратегийн тэнцвэрийг бэхжүүлж, холбоотнуудыг тайвшруулна" гэжээ.

Өмнө нь B61−12 устөрөгчийн бөмбөгийг 2020 оноос үйлдвэрлэж эхэлнэ гэж байсан ч бөмбөгийг зарим эд анги нь хадгалалтын явцад өөрчлөгддөг нь тогтоогдсон тул үйлдвэрлэж эхлэх хугацааг хойшлуулаад байгаа аж. Түүнчлэн Пентагон нь НАТО-ийн гишүүн орнуудын байлдааны нисгэгчдийг АНУ-д үйлдвэрлэсэн цөмийн бөмбөг тээн дайралт хийх хөтөлбөрийг хэрэгжүүлж байгаа юм байна.