ӨМНӨД СОЛОНГОС НЬ НУТАГ ДЭЭРЭЭ АМЕРИКИЙН ЦЭРГҮҮДИЙГ БАЙЛГАХ ЗАРДЛЫГ ХУВААЛЦАХАД БЭЛЭН

О.Шүрэнцэцэг

2019/09/25

Өмнөд Солонгосын Ерөнхийлөгч Му Жэ Ин нь АНУ-ын Ерөнхийлөгч Дональд Трамптай уулзах үеэр өөрийн нутаг дээрээ АНУ-ын цэргүүдийг байрлуулах зардлаас хуваалцахад бэлэн тухайгаа мэдэгдсэн байна. Түүний захиргааны төлөөлөгч нь энэ талаар "Ерөнхийлөгч нь зардлыг талууд шударга бөгөөд ухаалгаар хуваан даах ёстой" гэж мэдэгдсэн гэжээ. Мөн уулзалтын үеэр Му Жэ Ин нь Өмнөд Солонгосыг үндэсний батлан хамгаалахад зарцуулж байгаа зардлаа тогтвортой нэмэгдүүлж, Америкийн зэвсэглэлийг худалдан авч, Америкийн 28 мянган цэргийн албан хаагчтай бүлэглэлийг байршуулахад мөнгө төлж байгаа тухайгаа Трампт ярьсан аж.

Энэ ярианы үеэр талууд нь Хойд Солонгосын эсрэг цэргийн хүч ашиглахгүй гэдгээ бататгасан аж. АНУ нь Өмнөд Солонгост өөрийн цэргийн бүлэглэлээ байршуулахад жил болгон 5 тэрбум доллар зарцуулдаг байхад Өмнөд Солонгос нь тэрбум ч хүрэхгүйг гаргаж байна гэж шүүмжилсэн. Улмаар цаашид энэ зардлыг адил тэнцүү үүрч байхыг санал болгож байгаа юм. Үүнтэй холбоотойгоор талуудын даах ёстой зардлын хэмжээг тохирох хэлэлцээ энэ долоо хоногт эхэлнэ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ