СОНГИНО САРИМСНЫ СҮМС ХӨХНИЙ ХАВДРААС СЭРГИЙЛДЭГ

О.Шүрэнцэцэг

2019/09/25

Америкийн Буффало их сургууль ба Пуэрто-Рикогийн их сургуулийн судлаачид сүм ба саримсны сүмс нь хөхний хорт хавдраар өвдөх эрсдэлийг бууруулдаг болохыг тогтоожээ. Тэд судалгааныхаа үр дүнг "Nutrition and Cancer" сэтгүүлд нийтэлсэн байна. Судалгааг явуулсан доктор Гаури Десан нь Пуэрто – Рикод софрито нэртэй сүмсийг хүнсэндээ тогтмол хэрэглэг эмэгтэйчүүдийн хөхний хорт хавдраар өвдөх эрсдэл нь 67 хувиар бага байдаг гэжээ. Софрито нэртэй сүмсний үндсэн орц нь саримс, сонгоно байдаг. Десаи нь хорт хавдар үүсэхэд сонгино ба саримсны үзүүлдэг нөлөөг өмнө нь судалж байсан туршлага дээрээ үндэслэн 2008 оноос 2014 оны хооронд 346 эмчлүүлэгч, түүний дотор хөхний хорт хавдар гэсэн оноштой 314 эмэгтэйг хамруулсан олон жилийн судалгаа явуулаад ийм дүгнэлт хийсэн аж. Сонгино, саримсанд ихээр агуулагддаг флавоноид, хүхэр агуулсан органик нэгдлүүд нь хорт хавдрын эсрэг нөлөөтэй юм байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ