​ХЯТАДЫГ АМЕРИК МАЯГИЙН АМЬДРАЛЫН ГОЛ ДАЙСАН ГЭВ

АНУ-ын Батлан хамгаалахын сайдын улс төрийн асуудал хариуцсан орлогч Жон Руд нь БНХАУ-ыг алс хэтдээ америк маягийн амьдралын хэв маягийг гол дайсан гэж мэдэгджээ. Тэрээр "Бидний тулгарч магадгүй хамгийн том асуудал, алс хэтдээ америк маягийн амьдралын хэв маягийн хамгийн их аюул гэж хэлбэл хэтрүүлэг болохгүй байх" гэжээ. Мөн Бээжин нь шударга өрсөлдөөнөөр Америкийг ялж чадахгүй гэж байгаагаа сайн мэдэж байгаа гээд "Би шууд сөргөлдөх гэж яарахгүй байна. Хятад манай хоёр дайсан байх тавилантай биш. Би худалдаа хийж, хамтын ажиллагааг дэмжихийг хүсэж байна. Гэхдээ, нөгөө талаас бид оюун ухааны өмчөө хамгаалахыг хүсэж байна, бид дэлхийн хоёрдугаар дайны дараа ингэтэл хүч гарган ажиллаж байж цогцлуулсан дэлхийн хөгжлийн чиг хандлагыг хамгаалахыг хүсэж байна" гэжээ. Түүнчлэн Хятадыг авторитар удирдлагын загварыг олон улсын түвшинд нэвтрүүлэх гэж оролдож байна гэж буруутгаад Си Жинпинь тэргүүлэгчийг "насан туршийн Ерөнхийлөгч" гэж нэрлэсэн байна.