​АНУ-ЫГ МОСКВА БЭЭЖИН ХОЁРЫГ МУУДАЛЦУУЛАХЫГ ХИЧЭЭЖ БАЙНА ГЭВ

ОХУ-ын Гадаад хэргийн сайд Сергей Лавров нь "Глобал улс төр дахь Орос улс" сэтгүүлд гаргасан нийтлэлдээ АНУ-ыг Орос, Хятад хоёрыг муудалцуулахыг хүсэж багаа тухай бичсэн байна. Тэрээр америкчууд Хятад Орос хоёрыг тогтоон барихад гадаад хамтрагчдаа дайчлахтай зэрэгцээд "Москва Бээжин хоёрыг муудалцуулах хүсэлтэйгээр нуухгүй байна" гэж бичжээ. Мөн АНУ-ыг Еврази дахь өөрийн хяналтаас гадуур байхад холбоодыг задлахыг зорьж байна гэжээ. БНХАУ ба ОХУ хоорондын хамтын ажиллагаа сүүлийн хэдэн жил улс төр, эдийн засаг, батлан хамгаалах гээд бүх л салбарт улам л бэхжиж байна. Энэ хоёр улсын худалдааны эргэлт гэхэд оны эхний найман сарын байдлаар 4,5 хувиар өсөж 70,59 тэрбум долларт хүрээд байна. Таван жилийн өмнө Хятад Оросын худалдааны эргэлт 49,59 тэрбум доллар байсан юм. Үүнээс өмнө Лавров нь Америк нь Цөмийн туршилтыг бүх хэлбэрээр хориглох тухай гэрээнээс гарахын тулд мэдээллийн хэрэгслүүдээрээ ухуулга сурталчилгааны аян эхлүүлснийг илтгэх шинж тэмдэг ажиглагдаж байгаа тухай мэдээлж байсан юм.