​ИХ БРИТАНИ BREXIT-ИЙН ДАРАА СЭТГҮҮЛЧДИЙГ МӨРДӨН ХАВЧДАГ ХҮМҮҮСИЙН ЭСРЭГ ХОРИГ АРГА ХЭМЖЭЭ АВНА

Их Британи нь Европын холбооноос гарсны дараагаар сэтгүүлчид болон улс төрийн идэвхтнүүдийг хавчин дарамталдаг хүмүүсийн эсрэг идэвхтэй хорих арга хэмжээ авна. Энэ тухай Нэгдсэн вант улсын Гадаад хэргийн сайд Доминик Рааб "The Sunday Telegraph" сонины булангаар дамжуулан мэдэгджээ. Тэрээр "Бид ЕХ-оог орхин гарсны дараагаар хүний эрхийг ноцтой зөрчиж байгаа этгээдүүдийг Их Британид нэвтрэхийг хориглох, банкны дансыг нь битүүмжлэх зэргээр хариуцлагад татаж байхын тулд хориг арга хэмжээтэй холбоотой хууль тогтоомжуудаа чангатгана" гэжээ. Ингэснээр улс орондоо эрх мэдлээ хэтрүүлэн ашиглаж байгаа тухай мэдээлсэн сэтгүүлчдийг ямар ч шийтгэл хүлээлгүйгээр хавчин боож байгаа хүмүүст хариуцлага хүлээлгэх боломжтой болно гэж үзжээ. Их Британи нь аравдугаар сарын 31-нд Европын холбооноос гарахаар төлөвлөж байгаа, үүний дараа сэтгүүлчид рүү давшилж байгаа этгээдүүд төдийгүй өнгөрсөн оны гуравдугаар сард КГБ-ийн экс хурандаа Скрипаль болон түүний охиныг хордуулсан хэрэгт холбогдолтой гэж үзсэн хүмүүсийн эсрэг хамгийн эхэнд хориг арга хэмжээ авах юм байна. Ерөнхий сайд Борис Жонсон нь дараагийн долоо хоногт эхлэх НҮБ-ын Ерөнхий ассамблейн чуулганы хуралдаан дээр Скриапалийн эсрэг химийн зэвсэг хэрэглэсэн тухай сэдвийг хөндөнө гэж "The Sunday Telegraph" бичжээ.