​ТАЖИКСТАНЫ НЭГ ХҮНД НОГДОХ ДНБ-ИЙ ХЭМЖЭЭ 503 ДОЛЛАР БОЛОВ

Тажикстаны нэг хүнд ногдох ДНБ-ий хэмжээ 2019 оны 1-8 саруудын байдлаар 4873 сомони буюу 503 доллар болсон байна. Энэ оны эхний найман сарын байдлаар Тажикстаны ДНБ-ий хэмжээ 44 тэрбум 893,8 сая сомони буюу 4,6 тэрбум гаруй доллар хүрсэн. Энэ хугацаанд Тажикстаны хүн ам 9,2 сая болсон байна. 2018 онд Тажикстан улсын нэг хүнд ногдох ДНБ-ий хэмжээ 7656 сомони, 2017 онд 6840 сомони байжээ. Тажикстаны нийт гадаад өр нь 2019 оны дөрөвдүгээр сарын байдлаар 2,9 тэрбум доллар буюу энэ улсын хүн бүрд 307 доллар ногдохоор хэмжээнд байсан.