​АНУ-ЫН ТЭНГИСИЙН ЦЭРГИЙН ХҮЧ ҮЛ МЭДЭГДЭХ НИСДЭГ БИЕТТЭЙ БИЧЛЭГИЙГ ЖИНХЭНЭ ГЭЖ ХҮЛЭЭН ЗӨВШӨӨРЧЭЭ

АНУ-ын Тэнгисийн цэргийн хүчнээс 2004 ба 2015 онуудад авсан гурван видео бичлэгийг жинхэнэ үл мэдэгдэх нисдэг биетийн нислэгийг харуулсан бодит гэдгийг хүлээн зөвшөөрсөн тухай "popmech" сайт мэдээлж байна. "FLIR1", "Gimbal", "GoFast" гэж нэрлэсэн бичлэгүүд дээр орчин үеийн ямар ч техник гүйцэтгэх боломжгүй хөдөлгөөн хийн нисэж буйг харуулжээ. Хамгийн гол нь бүх бичлэгийг АНУ-ын Тэнгисийн цэргийн хүчний байлдааны онгоцнуудын камераар хийсэн. Нэг бичлэгийг 2015 оны Америкийн зүүн эргийн орчим F/A-185F сөнөөг онгоцноос хийжээ. Нөгөө бичлэгийг 2004 онд Калифорни мужийн эргийн орчим Super Hornet ATFLIR сөнөөгч онгоцны камераар хийсэн. Үл мэдэгдэх нисдэг биетүүдийг харсан нисгэгчид тэднийг юу болох талаар ярилцаж байгаа нь тод хадгалагдан үлджээ. Үнэхээр ч дэлхийн хамгийн хурдан, маневртай байлдааны онгоцоор нисэж байгаа нисгэгчдийн хувьд хэр баргийн нисэх биет хараад гайхахгүйн дээр богино хугацаанд ялган таних чадвартай байдаг. 2004 оны бичлэг дээр гэхэд үл мэдэгдэх нисдэг биет 27 км-ийн өндөрт гэнэт гарч ирээд далай руу ойртон нисээд 7 км-ийн өндөрт гэнэт хөдөлгөөнгүй зогсож байгаад гэнэт радарт харагдахгүй алга болж байгаа нь харагддаг. Америкийн тэнгисийн цэргийн хүч нь иймэрхүү үл мэдэгдэх нисдэг биетүүдийг албан ёсоор "Тайлбарлагдашгүй агаарын үзэгдэл" Unidentified Aerial Phenomena гэж нэрлэдэг юм байна.