​АНУ НЬ SAUDI ARAMCO РУУ ХИЙСЭН ДАЙРАЛТАД ИРАН ХАМААРАЛТАЙГ НОТЛОХ БАРИМТЫГ НҮБ-Д ТАНИЛЦУУЛНА

АНУ нь дараагийн долоо хоногт эхлэх НҮБ-ын Ерөнхий ассамблейн чуулганы үеэр Саудын Аравийн "Saudi Aramco" компани руу хийсэн дайралтад Иран улс хамааралтайг нотлох баримтыг танилцуулах гэж байгаа тухай "Agence France-Presse" мэдээлсэн байна. Энэхүү дайралтыг Ираны нутгаас далавчит пуужин ашиглах хийсэн гэдэгт АНУ итгэлтэй байгаа юм байна.

Есдүгээр сарын 14-ний шөнө Саудын Аравийн "Saudi Aramco" компани руу үл мэдэгдэх этгээдүүд дрон ашиглан дайралт хийж ихээхэн хохирол учруулсан. Удалгүй энэ дайралтыг хийсэн гэдгээ Йемний босогчдын "Ансар Аллах" бүлэглэл хийсэн гэдгээ албан ёсоор мэдэгдсэн юм. Гэвч АНУ нь энэхүү дайралтыг Ираны нутгаас хийсэн гэж шууд буруутгаж байгаа юм. Харин Ираны Гадаад хэргийн яам нь Америкийн мэдэгдлийг ямар ч үндэслэлгүй гэсэн тайлбар өгсөн.

Хэрэв АНУ-д Иран дайралтыг өөрийн нутгаас явуулсан гэдгийг нотлох үнэмшилтэй баримт үнэхээр байж таарвал цаашдаа Саудын Арави нь Ираны эсрэг цэргийн ажиллагаа явуулж хариу авах ёс суртахууны болон эрх зүйн үндэслэлтэй болох юм.