ХУУЛЬ БУСААР ГУРАВ ДАХЬ УДААГАА ГЭРЛЭХ ГЭЖ БАЙГААД БАРИГДЖЭЭ

Энэтхэгийн Тамилнад мужид гурав дахь удаагаа нууцаар гэрлэх гэж байсан эрэгтэйг хоёр эхнэр нь нийлж зодсон тухай бичлэгийг "Daily Mail" байршуулжээ.

Динеш нэртэй эрэгтэй нь 2016 онд эхний удаа эхнэр авсан аж. Гэвч гурван жилийн дараа өөр эмэгтэйтэй нууцаар давхар гэрлэсэн.Харин эхнэрүүд нь нэг эрэгтэйтэй суусан гэдгээ ер мэдээгүй байтал нь Динешийг гурав дахь удаагаа нууцаар гэрлэх гэж байгаа нь ил болсноор хоорондоо танилцсан юм байна. Бичлэг дээр Динешийг хүмүүстэй ярилцаж байхад нь хоёр эхнэр нь тус тусын хамаатнуудаа дагуулан ирж нүүр нүдгүй балбаж байгааг харуулсан байна.

Цагдаа нар уурласан хүмүүсийг тарааж Динешийг аварсан ч түүнийг баривчлан түр хорьжээ. Учир нь, Энэтхэгийн хуулиар олон эхнэр авахыг хориглодог тул одоо Динеш нь шоронд хоригдох ял авах нь гарцаагүй болсон гэнэ.