УКРАЙН ОЛОН УЛСЫН ВАЛЮТЫН САНГААС 5 ТЭРБУМ ДОЛЛАРЫН ЗЭЭЛ АВНА

Украйн нь ОУФС-аас ахин 5 тэрбум долларын зээл авах үндсэн тохиролцоонд хүрээд байгаа тухай "Bloomberg" агентлагт эх сурвалжууд нь мэдээлжээ. Украйны зүгээс төсвийн алдагдлаа багасгах, хөдөө аж ахуйн зах зээлийн чөлөөтэй болгох, авлигатай хийх тэмцлээ үргэлжлүүлэх гэсэн баталгаа гаргаж өгөх юм байна.

Зээлийн гэрээнд хараахан гарын үсэг зураагүй, нарийн зүйлсийн талаар хэлэлцээ үргэлжилж байгаа аж.

Украйны Төв банк нь наймдугаар сарын эхээр ОУВС-тай хамтран 5-10 тэрбум долларын урт хугацааны хамтын ажиллагааны хөтөлбөр хэрэгжүүлэх шаардлагатайд болоод байгаа тухай мэдээлж байсан нь ийнхүү хэрэгжиж байгаа бололтой.

Шинэ зээлийн эхний хэсэг болох 2 тэрбум долларыг 2019 он дуусахаас өмнө авна гэж Украйны Төв банк хүлээж байгаа аж. Украйн нь энэ оны есдүгээр сард 2014 онд ОУВС-аас "stand-by" хөтөлбөрөөр авсан зээлээ бүрэн төлж дуусгаад байгаа билээ.