ИХ БРИТАНИЙН НЭГЭН ОРДНООС 5 САЯ ЕВРОГИЙН ҮНЭТЭЙ АЛТАН СУУЛТУУР ХУЛГАЙД АЛДАГДЖЭЭ

Н.Мижидмаа

2019/09/16

Их Британи дахьБлэнхейм ордноос цэвэр алтаар хийгдсэн бүрэн ажиллагаатай бие засах суултуур хулгайд алдсан тухай "Express" сонин мэдээлсэн байна. Суултуур нь Италийн зураач МаурициоКаттеданы гаргасан үзэсгэлэнд багтан дэлгэгдсэн "Америк" нэртэй арт объект байжээ. Суултуур бүрэн ажиллагаатай, бохир усны сувагт холбоотой байсан тул хулгай хийхэд суваг задарч ус алдсан нь ордны дотоод засал, чимэглэлд ихээхэн хор хүргэсэн гэнэ. Цэвэр алтаар хийсэн эд байсан тул 4,8 сая фунт буюу ойролцоогоор 5 сая еврогийн үнэтэй.

"Америк" нэртэй арт объектыг анх 2016 онд Нью-Йорк дахь Соломон Гуггенхаймын үзэсгэлэнд дэлгэгдэн үзэгчдийн хүртээл болж байжээ. Тэр үед ч мөн л бохирын шугамтай холбогдсон байдлаар үзүүлэн болсон тул үзэсгэлэнг сонирхсон хүн болгон суултуурыг зориулалтынх нь дагуу ашиглах боломжтой байж. Тухайн үед үзэсгэлэнг ажиллах хугацаанд 100 мянган хүн "Америк" үзүүлэнг үзэж сонирхон зориулалтаар нь ашиглаж байжээ.

Британийн Оксфордшир дэх Блэнхейм ордон нь Мальборогийн гүнгүүдийн удмын харш бөгөөд ЮНЕСКО-ийн дэлхий өвд бүртгэлтэй байгууламж юм.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ