​БЕРДЫМУХАМЕДОВ ТУРКМЕНИСТАНЫ ОЛОН УЛСЫН НЭР ХҮНД ӨСӨЖ БАЙГААГ ОНЦЛОВ

Туркменистаны Ерөнхийлөгч Гурбангулы Бердымухамедов "Туркмений эрчим хүчний аж үйлдвэрлэлийн үндсэн чиглэлүүд" шинжлэх ухааны хурлыг нээн үг хэлэхдээ "Өдгөө дэлхий даяар эрчим хүчний тээгчийн эрэлт өсөж байгаа тул олон орон Туркментэй цахилгаан эрчим хүчний салбарт хамтран ажиллах ихээхэн сонирхолтой байна" гэжээ.

Тэрээр ингэж сонирхож байгааг "Туркмений олон улсын нэр хүнд өсөж байгаагийн үнэмшилтэй нотолгоо" гэж мэдэгдэв. Мөн Туркмений шатдаг хийг Афганистан, Пакистан, Энэтхэгт нийлүүлэх ТАПИ дамжуулах хоолойн төсөл ба Туркмен, Афганистан, Пакистаны улсуудын нутгаар дайрч өнгөрөх цахилгаан дамжуулах шугамын төсөл ТАП-ийг хэрэгжүүлэх шаардлагад онцгой анхаарах хэрэгтэй гэжээ. Бердымухамедов "Эдгээр төслийг амьдралд хэрэгжүүлэх нь оролцогч улсуудын хувьд төдийгүй бүс нутагт бүхэлд нэн чухал ач холбогдолтой" гэсэн байна.

Түүнчлэн Бердымухамедов нь Саудын Аравийн Төрийн сайд Турки Бин Мухаммедом Бин Фахад Бин Абдул Азиза Аль Сауд, Саудын хөгжлийн сангийн орлогч Халидом Бин Сулейманом Аль Худейри гэсэн хүмүүстэй уулзах үеэр шатдаг хий, газрын тос, химийн үйлдвэрийн салбарт хамтран ажиллах төслүүдийн талаар хэлэлцэхийг санал болгосон байна.

Энэ зуур Туркмений сөрөг хүчин нь тус улсад мах, өндөг, талх гээд хүнсний өргөн хэрэглээний бүтэгэдэхүүний хомсдол үүсэж, үнэ нь огцом нэмэгдэж байгаа талаар мэдээлсэн байна. Мөн зарим мужуудад нь бэлэн мөнгөний хомсдол үүсэж, төсвийн байгууллагын ажилтнууд наймдугаар сарынхаа цалин хөлсийг аваагүй байгаа тухай мэдээлжээ.