Ш.РАДНААСЭД: НАМАЙГ ААЯА ГЭЖ ДУУДДАГ ҮНЭН, ГЭХДЭЭ НАМАЙГ ЗОХИОН БАЙГУУЛАЛТТАЙ ГҮТГЭЖ БАЙНА

МХЕГ-ын Экспорт, импорт, хилийн хорио цээрийн хяналтын газрын дарга Э.Аззаяа, хэлтсийн дарга Н.Баярсайхан нарын хүмүүс бусдаас 1 тэрбум гаруй төгрөгийн авлига авсан асуудлаар шалгагдсан. Гэвч уг хэрэг нь Эрүүгийн хуулин дахь хөөн хэлэлцэх хугацааны шинэ зохицуулалтаар үргэжлүүлэн шалгахад тээг үүсч, Ш.Раднаасэд гишүүнийг зориудаар нөлөөлөл үүсгэсэн гэх хардлага явсан. Өөрийн албан өрөө, орон гэр, оймс зэрэгтээ их хэмжээний мөнгө нуусан нь илчлэгдсэн Н.Баярсайхантай нэг ангид суралцаж байсан гэдгээ хүлээн зөвшөөрсөн юм.

Уг хэрэгт гэм буруутайд тооцогдсон Н.Баярсайхан нь "Авсан хахууль болгоноосоо Ааяад тэдэн төгрөг, тэдэн хувийг өглөө гэх тэмдэглэл үйлдсэн байсан, Ааяа гэгч нь УИХ-ын гишүүн Ш.Раднаасэд" гэх мэдээлэл 2019 оны 08 дугаар сарын 29-ний өдрөөс нийгмийн сүлжээнд тараагдсан байна. Тус газраас мөрдөн шалгах ажиллагаа явуулж, шүүхээр шийдвэрлэгдсэн Э.Аззаяа, Н.Баярсайхан нарт холбогдох эрүүгийн хэрэгт дээрх утга бүхий тэмдэглэл, мэдээлэл илэрч шалгагдаагүй болохыг үүгээр хүргүүлж байна.