ПАКИСТАНЫ ЗЭВСЭГТ ХҮЧНИЙ ТӨЛӨӨЛӨГЧ ЭНЭТХЭГИЙГ УДАХГҮЙ СҮЙРЭХИЙГ ЗӨГНӨЖЭЭ

Пакистаны зэвсэгт хүчний олон нийттэй харилцах албаны тэргүүн хошууч генерал АсифГафур нь Энэтхэгийн хийж байгаа үйлдэл нь "Сүйрлийнх нь эхлэл" гэж мэдэгджээ.

Энэтхэгийн эрх баригчид Керал мужид эсэргүүцлийн жагсаал хийхдээ Пакистаны төрийн далбааг өргөсөн 30 оюутныг есдүгээр сарын 2-нд баривчилсны дараагаар генерал нь ийм мэдэгдэл хийжээ. Тэрээр "Аллахын алдар бадраг, энэ бол сүйрлийнх нь эхлэл" гэж хэлэн тухай Пакистаны "Dunya News" суваг мэдээлжээ.

Энэтхэгийн Керал мужид Пакистаны далбаа барьж жагссан оюутнуудын дийлэнх нь Керал мужийн лалын шашинт оюутнуудын фронт гэгч байгууллагын гишүүд байсан байна. Керал муж нь Энэтхэгийн баруун өмнөд хэсэгт Малабарын эргийн дагуу байрладаг муж бөгөөд 34 сая хүн амтайгаас 30 хувь нь лалын шашинтнууд.

Энэтхэг нь Жамму ба Кашмир мужийг тусгай статусыг халж, төв Засгийн газрын шууд удирдлагад оруулсан явдал лалын шашинтнууд хүн амынх нь дийлэнх болдог тус мужийг хинду шашинт Энэтхэгээс салан тусгаарлаж, бие даасан улс болохыг дэмждэг Пакистаны уур бухимдлыг ихэд хүргэсэн. Улмаар Кашмир мужийн эрхийг хамгаалахын төлөө шаардлагатай бүхнийг хийхэд бэлэн гэж мэдэгдсэн. Энэ явдлын дараагаар Кашмир мужийн дагуух байрласан Энэтхэг Пакистаны цэргүүдийн хооронд хэд хэдэн удаагийн буудалцаан болсон