ГИШҮҮДИЙН ГАДААД, ДОТООД ТОМИЛОЛТЫГ ХЯЗГААРЛАВ

О.Шүрэнцэцэг

2019/09/02

Үндсэн хуульд нэмэлт, өөрчлөлт оруулах төслийг өнгөрсөн зургадугаар сараас хойш хэлэлцэж эхэлсэн билээ. Сүүлийн 14 хоногийн хугацаанд Үндсэн хуульд нэмэлт, өөрчлөлт оруулах төслийг хэлэлцэхээр чуулганы хуралдааныг товлосон ч ирц бүрдэхгүй байх, гишүүд гадаад, дотоод томилолттой байсан учраас Үндсэн хуульд нэмэлт, өөрчлөлт оруулах төсөл хэлэлцэх хугацаанд гишүүдийн томилолтыг хязгаарлаж байгаа аж.

УИХ-ын даргын захирамжаар УИХ-ын гишүүдийн гадаад томилолтыг есдүгээр сарын 30-ны өдрийг хүртэл хугацаагаар хязгаарлалаа. Тодруулбал, Үндсэн хуульд нэмэлт, өөрчлөлт оруулах төслийг хэлэлцэж байгаатай холбогдуулан УИХ-ын гишүүдийн гадаад, дотоодын томилолтыг есдүгээр сарын 30-ны өдрийг хүртэл хойшлуулах захирамж гаргасан байна.

Мөн УИХ-ын ээлжит бус чуулганы хуралдаан есдүгээр сарын 1-нд дуусгавар болох байсан ч УИХ-ын дарга есдүгээр сарын 30-ныг хүртэл сунгалаа.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ