АЛБАНЫ АВТОМАШИНЫ ДУГААРЫН СУУРЬ ӨНГИЙГ ЯЛГААГҮЙ НЬ АЛБАН ТУШААЛТНУУД ХУВЬДАА АШИГЛАХ НӨХЦЛИЙГ ХАНГАЖ БАЙНА

Автомашины дугаарын суурь өнгийг өөрчлөх журам өнгөрсөн зургаадугаар сард батлагдсан. Тодруулбал, нийтийн тээврийн хэрэгслийн дугаарын суурь өнгө шар, эко тээврийн хэрэгслийнх ногоон, технологийнх хар байхаар журамласан. Журам батлахдаа нэг зүйлийг хассан нь албаны автомашины дугаарын суурь өнгө. Тодруулбал, албаны автомашины дугаарын суурь өнгийг ялгаж өгснөөр албан тушаалтнууд албаны автомашинаар эхнэр хүүхдээ зөөдөг, дэлгүүр хэсвэг асуудал хазаарлагдаж, олон нийтийн хяналтад орох байв. Уг журмыг ЗТХ-ийн сайд баталдаг. Албаны автомашиныг ялгахгүй байх ямар ашиг сонирхол байна вэ?