БИЧЛЭГ: ХАРЦАГА Д.АНАР NO DOPING

Үндэсний баяр наадмын хүчит бөхийн барилдааны тавын даваанд үлдсэн бөхчүүдээс сэргээшийн шинжилгээ авдаг. Тус шинжилгээний хариу гарсныг өнгөрсөн баасан гарагт Допингийн эсрэг үндэсний төвөөс мэдээлсэн. Тус төвөөс сэргээшийн шинжилгээний хариуг Үндэсний баяр наадмыг зохион байгуулах хороонд хүргүүлсэн байна. Хуулийн дагуу сэргээшийн шинжилгээний хариуг зохион байгуулах хороо ёстой. Харин зарим эх сурвалжууд хоёр бөхөөс допинг илэрсэн гэх мэдээллийг өгөөд байгаа. Тэгвэл үүнтэй холбогдуулан бөхчүүд мэдэгдэл хийж эхэлжээ.

Энэ жилийн баяр наадмаар Улсын харцага хүртсэн Д.Анар мэдээлэл хийлээ. Баяр наадмын комиссоос энэ сарын 9-нд түүн рүү утасдаад сэргээшийн шинжилгээний хариуг дуулгажээ. Тэрбээр энэ тухайгаа, “ Миний сэргээшийн шинжилгээнээс ямар нэгэн хориотой бодис илрээгүй гэдгийг Баяр наадмын комиссоос хэлсэн" гэсэн юм. Ингэснээр шинжилгээнд хамрагдсан шөвгийн 16-гийн бөхчүүдээс дөрөв нь сэргээшгүй гэдгээ мэдэгдээд байна.