АЛБАНЫ АВТОМАШИНУУДЫГ ЗУГАА ЦЭНГЭЛДЭЭ ЗАЙДАГНАЖ БАЙНА, У.ХҮРЭЛСҮХ САЙДАА

Төрийн албаны автомашиныг хувийн хэрэгцээнд ашиглахгүй байх, тусгай тэмдэглэгээ наахыг ЗГ журам гаргаж бататгасан. Гэвч энэ журмыг ЗГ-ын Хэрэг эрхлэх газрын хуулийн хэлтсийн дарга Н.Мягмар нь зөрчиж албаны хэрэгцээнд унадаг 02-07 УБЗ улсын дугаартай сонато маркийн автомашинаар хүүхдээ сургуульд хүргэж байхыг Заригийн сурвалжлах баг илрүүлсэн байдаг. Гэвч түүнд хариуцлага хүлээлгээгүй. Тэгвэл ХААИС-ийн харьяа Мал аж ахуйн эрдэм шинжилгээний хүрээлэнгийн нэр дээр бүртгэлтэй "УБВ -3303" улсын дугаартай Ланд криузер маркийн автомашинаар залуучууд зугаалж байх юм. Энэхүү бичлэгийг Д гэгч нь 2019 оны 07-р сарын 19 –ны өдөр Өвөрхангай аймагт явахдаа инстеграмдаа оруулжээ. Мал эмнэлгийн эрдэм шинжилгээний хүрээлэнд албаны зориулалтаар 2-3 автомашин байдаг. Эдгээр автомашиныг зөвхөн албаны хэрэгцээнд унах ёстой ч ийнхүү төрийн өмч орон нутагт зугаа цэнгэлийн хөл залгуулж байгаад холбогдох байгууллагууд анхааралдаа авна бизээ. Тус хүрээлэнгийн захирлаар Т.Батсүх гэгч ажилладаг юм. Т.Батсүх нь залуучуудтай ийнхүү албаны машинаар зугаалж явсан уу эсвэл тус газрын ажилчдын хүүхдүүд төрөөс машин унаж төсвөөс шатахуунаа хийлгэж наргидаг болсон уу гэдгийг холбогдох газрууд тодруулах шаардлагатай байна.

#Бичлэг