УИХ-ЫН ГИШҮҮН АСАН Д.ГАНТУЛГЫН ХОЛБОГДСОН ХҮЧИНГИЙН ХЭРГҮҮДИЙГ МАРГААШ ПРОКУРОРТ ШИЛЖҮҮЛНЭ

Одоогоос хоёр жилийн өмнө УИХ-ын гишүүн Д.Гантулга хүчингийн хэрэгт холбогдон, дуулианы эзэн болсон. Найзынхаа хамт айлын гэр хонохдоо гэрийн эзэн охиныг хүчирхийлээд гарсан гэх дуулиан нь түүнийг УИХ-ын гишүүнээсээ чөлөөлөгдөх шалтгаан болсон юм. Хэсэгтээ шуугисан энэ хэрэг мартагнаж эхэлсэн. Тодруулбал, түүнд холбогдох хэргийг буцааснаас хойш 10 сарын хугацаа өнгөрч байгаа юм. Ийнхүү урт хугацаа улирсан нь өөр бас нэгэн нүүр улайм шалтгаантай аж. Тодруулбал, хүчингийн хэргийг шалгаж байх хугацаанд гишүүн асан Д.Гантулга дахин хүчингийн хэрэгт холбогджээ. Одоогоос долоон сарын өмнө Вива ситид нэгэн эмэгтэйг хүчирхийлсэн гэх хэргийг энэ хугацаанд давхар шалгасан байна. Өнгөрсөн долоо хоногт хохирогч гэх Ч.Наранзаяагийн өмгөөлөгч н.Мэргэн хэргийн материалтай танилцсан бөгөөд нөгөө хэргийг ч мөрдөн шалгаж дуусчээ. Тиймээс прокурорт шилжихэд бэлэн болсныг баттай эх сурвалж мэдээлж байна. Уг хэргүүдийг ЦЕГ, АТГ хамтран шалгажээ.