НАГАЦ ДҮҮГИЙНХЭЭ ХУРУУГ ТАСДСАН ИРГЭНИЙГ ИРЭХ САРЫН 01-НД ШҮҮНЭ

51 настай эрэгтэй Ч-гэх иргэн согтууруулах ундаа хэтрүүлэн хэрэглэсэн үедээ долоо настай нагац дүүгийнхээ дөрвөн хурууг хэрцгийгээр тасалсан балмад хэрэг өнгөрөгч 5 сарын 14 өдөр гарсан юм. Тэр цагаас хойш хоёр сар өнгөрсөн ч охин энэ хугацаанд хоёр удаа хуруу залгуулах мэс засалд оржээ. Хоёрдахь хагалгаандаа ороод удаагүй байгаа юм. Өмнө залгуулсан эрхий хуруу идээлж үрэвссэн учраас эргүүлэн авчээ.Хагалгааны явцад охин сэтгэл зүйн хямрал болоод биеийн байдал нөлөөлсөн учраас өвчиндөө шаналсан охин өвчин намдаах эм тариа хэрэглэж өдөр хоногийг өнгөрүүлж байна. Гэтэл охиныг эмнэлэгт хүргэгдсэн эхний сар гэмт этгээдийн ар гэрээс охины эмчилгээний зардалд 4 орчим сая төгрөгийг зарцуулсан гэгч 2 дахь сараас эхлэн огт туслалцаа үзүүлээгүй гэдгийг хэлж байгаа юм. Я охины хуруу залгуулах 3 дахь удаагийн хагалгаа ирэх 8 дугаар сард болох төлөвлөгөөтэй байгаа юм. Хурууг залгах мэс засал хийлгэсэн ч яваандаа хуруунууд нь нэг нэгээрээ авагдсан гэдгийг түүний ээж хэлж байгаа юм.

Хэрэг гарсан өдрөөс эхлэн уг иргэнийг цагдан хорих 461 ангид саатуулаад байгаа юм. Хоёр сар болсны эцэст хэргийг цагдаагийн байгуулага шалгаж дуусаад шүүхэд шилжүүлсэн бөгөөд шүүх хурлын тов гарчээ. Тодруулбал ирэх сарын 01-нд Сүхбаатар дүүргийн эрүүгийн хэргийн анхан шатны шүүхэд иргэнийг шүүхээр боллоо.