ЯПОНЫ ХОРИГ АРГА ХЭМЖЭЭНИЙ УЛМААС ӨМНӨД СОЛОНГОСЫН ДНБ УНАЖ МАГАДГҮЙ

Япон нь Өмнөд Солонгос руу хийдэг хагас дамжуулагчийн үйлдвэрлэлд ашиглагддаг чухал материалуудын экспортодоо нэмэлт шаардлага тавьж, илүү олон шат дамжлагатай болгосон. Үүнээс болоод Өмнөд Солонгосын хагас дамжуулагчийн үйлдвэрлэл тун хүнд байдалд ороод байгаа тухай "Yonhap News" мэдээлж байна.

Хамгийн таагүй нь Өмнөд Солонгосын хагас дамжуулагчийн үйлдвэрлэл хумигдахыг дагаад ДНБ уналтад орж, урсгал гүйлгээний дансанд илүүдэл үүсч магадгүй болсон. Хэрэв Өмнөд Солонгосын хагас дамжуулагчийн үйлдвэрлэл 10 хувиар хумигдвал урсгал гүйлгээний илүүдэл 11,78 их наяд вон буюу 9,99 тэрбум долларт хүрч, ДНБ нь 0,4 хувиар унана гэсэн тооцоог хөрөнгө оруулалтын "Goldman Sachs" банк хийжээ.

Ингээд зогсохгүй Японы экспортод тавьсан нэмэлт шаардлагын горим цаашид ч үргэлжилбэл Өмнөд Солонгосын нийт экспортын хэмжээ ч 8 хувиар буурна. Цаашлаад, хоёр улс хоорондын харилцаа хэвийн байдалдаар оролгүй явбал мэдээллийн технологи, машин үйлдвэрлэл, хими зэрэг салбарын экспортод сөргөөр нөлөөлж эхлэх аж.

Энэ байдал нь Өмнөд Солонгосоос өндөр технологийн бүтэгэдэхүүн их хэмжээгээр импортлон авдаг Вьетнам, БНХАУ, Тайвань зэрэг орнуудад сөргөөр нөлөөлж эхэлнэ гэсэн дүгнэлтийг мэргэжилтнүшүд хийгээд байгаа аж.