ХОНКОНГТ ЖАГСАГЧИД, ЦАГДАА НАРЫН ХООРОНД МӨРГӨЛДӨӨН БОЛЖ 28 ХҮН ГЭМТЖЭЭ

Хонконгт ээлжит удаагийн эсэргүүцлийн жагсаалыг тараах үеэр жагсагчид ба цагдаа нарын хооронд мөргөлдөөн болж, олон хүн шархадсан тухай "South China Morning Post" мэдээлж байна.

Гэмтсэн хүмүүсийн хоёрынх нь биеийн байдал маш муу, дөрвийнх нь хүнд байгаа аж. Мөн Хонконгийн цагдаагийн 11 ажилтан мөргөлдөөний үеэр шархадсанаас хоёрынх нь хурууг тас хазсан байж. Хонконгийн цагдаагийн комиссар Стивен Ло жагсагчдын зүгээс харгис аваир гаргасныг эрс шүүмжлээд "Тэд бүр ухаанаа алдацгаасан" гэжээ. Цагдаагийн ажилтнууд жагсаалд оролцсон 37 хүнийг саатуулсан байна.

Энэ удаагийн жагсаал нь Хонконгийн эх газарт хамрах хэсэгт болсон бөгөөд ойролцоогоор 115 мянган хүн оролцжээ. Жагсагчид цагдаа нарын шаардлагыг биелүүлэн тайван тарахыг хүссэнгүй. Улмаар хэд хэдэн гудамжийг хаахыг оролдоод метроны буудал руу гарцтай "New Town Plaza" худалдааны төв рүү ухаарч орсон байна. Энэ үеэр жагсагчдын дунд эмх замбараагүй байдал, зодоон үүсч. Зарим жагсагч цагдаа нар руу лонх, хуванцар дуулга зэргийг нүүлгэж, цагдаа нар хариуд нь резинэн бороохой, нулимс асгаруулагч хий хэрэглэж байжээ.

Эх газар руу хэрэгтэн шилжүүлэх тухай хуулийг эсэргүүцэн эхэлж байсан жагсаал нь анхандаа сайн зохион байгуулалттай, хүч хэрэглээгүй, тайван замаар болж байсан. Харин удахын хэрээр ийнхүү зохион байгуулалт, удирдлагаа алдаж улам л эмх замбараагүй байдалд шилжиж байгаа бололтой.