Нярайн шарлалтыг бүрэн эмчилж чадаагүйн улмаас тархины саажилттай, насан туршдаа хөгжлийн бэрхшээлтэй болсон хөвгүүдийн талаар бид "Төрийн минь сүлд өршөө" сурвалжлагыг бэлтгэн хүргэж байсан. Хөвгүүдийн оношийг тортоолгохоор БНХАУ-ын Харбин хотын эмнэлэг рүү ээжүүд нь хүүхдүүдтэйгээ явсан бөгөөд шинжилгээнд маргааш орохоор цаг авч чадсан байна. Хүүхдүүдийг энэ шинжилгээнд ороход сайхан сэтгэлт түмэн олон 20 гаруй сая төгрөгийн хандив цуглуулан өгсөн юм. Тэгвэл энэ аяныг зохион байгуулагч, 14 настай Түвшинтөрийх ээж Т.Туяажаргал өөрийн цахим хуудаснаа ийнхүү бичжээ.
Энэ миний хувьд ямар үнэ цэнэтэй гээч.
2.8 жилийн мөрөөдөл хүсэл минь. Бээжингийн Пухуа эмнэлэгт 7 сарын 15нд бүрэн нарийн оношлогоо хийлгэх цаг авсан. Хүү бид 2-ын төлөө санаа тавьж ерөөл өргөн мөрөөдлийг минь биелэхэд түшсэн олон сайхан хүний итгэл энэ үнэ цэнийг бий болгосон. Анх хүүгээ Солонгос руу оношлуулах мөрөөдлөө хуваалцахад дэмжиж нэгдсэн хүмүүстээ баярлалаа гэж хэлж чадахгүй өнөөдрийг хүрсэн. Миний хүүгийн төлөө Мөнхцацрал найз минь хамаг бүхнээ зориулж байсан, чамдаа чин сэтгэлээсээ талархаж явдаг шүү үргэлжид. Бас ангийн найз Enkhmaa Enkhkhishig - тээ тээр үеээс өнөөдрийг хүртэл #баярлалааЧамдаа гэж хэлж чадахгүй явсан даа. Нарийн зам хэл судлалын хүрээлэн бид 2ыг Солонгос явахад зориулж хэлний бэлтгэлд үнэ төлбөргүй сурах боломж өгч, БЗД-ийн сургуулийн сурагчид миний үрд зориулан захиатай хамт хандивын аян зохион байгуулж, тухайн үед хүү бид 2ыг оношоо зөв тавиулаад ирээсэй гэсэн чин сэтгэлийн бэлгүүд ирсээр байсан Бичээд байвал дуусахгүй олон сайхан хүмүүс хүү бид 2ыг дэмжсээн. Цээжиндээ багтарч явсан мөрөөдлөө биелүүлэх хүч болсон Munguu Orgodol найздаа үнэхээр их баярлалаа. Чи дэмжсэн болохоор #ХАЙРЫН_ХҮЧ2 эхэлсэн юм шүү. Энэ аяныг бид сарын хугацаанд зохион байгуулж, нийт 20.8 сая төгрөгийн хандив босгож 5 хүүхдээс 4 нь Хятадын Харбин хотын нөхөн сэргээх эмнэлэгт эмчлүүлэхээр болж хүү бид 2 нарийн оношоо тавиулахаар хандивын аянаа үргэлжлүүлэн байна.
#Хаггай институтийн найзууддаа ахан дүүстээ үнэхээр их баярлалаа. Бидний үрсийн төлөө сэтгэлээ чилээн томоохон үүрэгтэй оролцсон мөн zarig.mn Ankhzul Tseden сэтгүүлчдээ баярлалаа. Нийгэм Хамгаалал Хөдөлмөрийн Яамны хамт олон, сайд С.Чинзориг энэ аянд бас нэгдэн дэмжин оролцсон. Тунгалагтамир даргад баярлалаа Хандивын хайрцаг хийлгэхээр сандруухан гүйж явахад 2 хайрцагны өртгөөр 10 хайрцаг хийж тусласан Batkhuyag Narangerel эгчдээ баярлалаа Энэ сэдлийг зүрхэнд минь асаасан Батдорж Ундрахжаргалант сэтгүүлчдээ талархаад баршгүй. Найздаа Zoljavkhlan Zoloo - доо Odbayar Gansukh - дээ, Purevsuren Byambasaikhan багшдаа, Shine OT найздаа хайртай шүү хүч минь болж тулж түшиж хамт байгаад баярлалаа. Ээлтэй Ертөнцийнхөндөө бүгдэд нь баярлалаа, ойлгож дэмжсэн хамт олон минь Хүү бид 2ын хандивын аян дуусаагүй байгаа. Учир нь 12 сая төгрөгийн оношлогооны төлбөрийг байгаа мөнгө буюу 1/3 төлбөрөөр итгэл үзүүлэн эхлэн оношлох боломж өгсөн Пухуа эмнэлгийн Монгол дахь төлөөлөгч Lkhagvasuren Nomin Erdene дүүдээ дахин дахин баярлалаа. Чин сэтгэлийн сайхан ерөөлтэйгөө хамт зүрх сэтгэлээрээ нэгдсэн хүн нэг бүртээ 186 хандивлагчдаа үнэхээр их баярлалаа.
Хүү бид 2 маргааш болохыг тэсэн ядан хүлээж байна, догдлол дүүрэн тэсэн ядан.
Улаанбаатар °C 
Сэтгэгдэл (0)
Сэтгэгдэл бичигдээгүй байна