СЭРЭМЖЛҮҮЛЭГ: ЦАХИЛГААНЫ ГЭМТЭЛТЭЙ УТАСНААС БОЛЖ ХҮҮХЭД ТОГОНД ЦОХИУЛЖ АМИА АЛДЛАА

Баянзүрх дүүрэгт байрлах "Цайз" захын орчим бага насны хүүхэд тогонд цохиулж амь насаа алдсан харамсалтай хэрэг гарлаа. Хэргийг тодруулбал осол болдог өдөр хүү ээжтэйгээ нагац эгчийндээ очсон юм. Хүү удалгүй айлын хүүхдүүдтэй тоглож улмаар айл хооронд татсан цахилгааны гэмтэлтэй утаснаас болж харамсалтайгаар амиа алджээ. Хамт тоглож байсан хүүхдүүдийн хэлж байгаагаар бороо орж байсан бүдэрч унаад унахдаа төмөр дээр унсан гэх зүйлийг ярьжээ. Хэргийн явцад цахилгааны утсыг нуухын тулд төмрөөр хамгаалсан байжээ. Цагдаагийн байгууллагаас "УБЦТС ТӨХК-ийн Баянзүрх дүүрэг дэх салбарт шалтгаан нөхцөлийг арилгуулах албан мэдэгдэл хүргүүлсэн. Хэрэг гарсны дараа тус салбарын ажилтнууд очиж цахилгааны гэмтлийг засварласан байна. Одоогийн байдлаар Шүүхийн шинжилгээний үндэсний хүрээлэнд шинжээч томилж, үхэлд хүргэсэн шалтгааныг эцэслэн тогтоохоор ажиллаж байна