​КАЗАХСТАНД ЗЭВСГИЙН АГУУЛАХАД ДЭЛБЭРЭЛТ БОЛЛОО

Казахстаны өмнөд нутаг дахь зэвсэгт хүчний зэвсгийн агуулахад дэлбэрэлт болсон байна. Туркестан муж дахь Арысь хотын ойролцоо байдаг зэвсгийн агуулахад их хэмжээний сум дэлбэрсний улмаас нэг хүн амиа алдаж, 31 хүн шархадна эмнэлэгт хүргэгджээ.Дэлбэрэлт болсон мужид онц байдал зарлаж, Арысь хотын 40 мянга орчим хүнийг аюулгүй бүс рүү нүүлгэн шилжүүлэх ажил явагдаж байгаа аж. Дэлбэрэлт болсон мужид Казахстаны Ерөнхийлөгч Касым Жомарт Токаев ирж байдалтай газар дээр нь танилцсан байна.Интернетэд цацагдсан мэдээнээс үзвэл Арысь хотын хажуудах энэхүү зэвсэг, сумны агуулах нь өмнө нь дөрвөн ч удаа түймэрт автан дэлбэрч байжээ. Дэлбэрэлтийн шалтгааныг тодруулах, учирсан хохирлыг тооцон арилгах арга хэмжээ хийгдэж байна.