​НЕОНАЦИСТУУДАД УУЛГАХГҮЙ ГЭЖ БҮХ ШАР АЙРГЫГ ХУДАЛДАН АВЧЭЭ

Германы Саксон мужийн Остриц нэртэй жижиг хотын иргэд неонацистуудын явуулах гэж байгаа рок хөгжмийн наадамд оролцогчдод шар айраг уулгахгүй гэсэндээ хотынхоо бүх шар айргийг худалдан авсан тухай "Die Welt" мэдээлэв.

3000 мянган хүнтэй хотын иргэд нацист үзэлтэй залуучууд хөгжмийн наадам явуулах гэж байгааг эсэргүүцсэн 300 хүний жагсаал зохион байгуулаад, дараа нь хотын дэлгүүрүүдэд байсан 120 авдар шар айргийг бүгдийг нь мөнгө нийлүүлэн худалдан авчээ. Ингэснээр тус их арга хэмжээнд оролцохоор ирэх нацист үзэлт 500-600 залуучууд хотын дэлгүүрүүдээс шар айраг авах боломжгүй болсон байна.

Дээр нь, Дрезден хотын захиргааны шүүх нь нацистуудын арга хэмжээг хэтэрхий түрэмгий, хэрцгий өнгө аястай болдог гэж үзээд наадмыг үзэж сонирхсон хүмүүсийг бүх төрлийн согтууруулах ундаа уухыг хоригложээ. Зүгээр ч нэг хориглосонгүй рок наадмыг зохион байгуулагчдын урьдчилан зэхэхэд байсан 4200 литр шар айраг, 200 литр хатуулаг өндөртэй согтууруулах ундааг нь хураан хах шийдвэр гаргаж.Харин хотын иргэд нацистуудыг шар айраггүй үлдээж байгаагаа тохиолдуулан арга хэмжээ зохион байгуулж, түүн дээрээ худалдан авсан шар айргаа зориулалтынх нь дагуу хэрэглэхээр болжээ.