СЭРЭМЖЛҮҮЛЭГ: ОЙ ЗУРГААН САРТАЙ ХҮҮХЭД ГОЛД УНАЖ АМИА АЛДЖЭЭ

Сүүлийн өдрүүдэд үргэлжилсэн бороотой байснаас голын түвшин нэмэгдэж улмаар иргэд голын усанд осолдож нас барах тохиолдол өдөр бүр гарч байна. Мөн голын орчим бага насны хүүхдийг асран хамгаалагчийн хараа хяналтгүй байлгаснаас үүдэн голын усанд унаж нас барсаар байгаа юм. Энэ долоо хоногт голын усанд осолдож нас барсан гэх тохиолдол их байгаа тухай албанаас мэдээлж байна. Өчигдөр буюу энэ сарын 18-нд Ховд аймгийн Булган сум, Булган голын орчим амьдардаг 1,6 настай эрэгтэй хүүхэд ээжийгээ бие засах зуур голын усанд унаж нас барсан харамсалтай хэрэг гарчээ.Уг хэргийг Ховд аймгийн цагдаагийн газар шалгаж эхэлсэн бөгөөд нутгийн иргэдийг голын орчим анхаарал болгоомжтой байхыг анхааруулсан сэрэмжлүүлэг мэдээлэл түгээж эхэлсэн байна.