ҮЕРТ АВТСАН БАЙШИНД ХОЁР ХҮҮХЭД БООГДСОН БАЙСНЫГ ЭСЭН МЭНД ГАРГАЖЭЭ

Төв аймгийн Атрын сангийн аж ахуй орчимд өчигдөр хүчтэй аадар бороо орсноос үерт автжээ. Мөн олон айл усанд автаж байшин дотор хоёр хүүхэд боогдсон байсныг Онцгой албаныхан ажиллаж эсэн мэнд гаргасан байна.Үерийн улмаас тус хэсгийн замын зорчих хэсгийн 2 талын хөвөө үерт урсаж засмал сэтрэх аюултай байна. Тус зам дээр орон нутгийн ТАЗГ, тээврийн цагдаагийн алба, АТХУБайцаагч нар ажилласан байна.

Улаанбаатар хотоос гарсан улс хот хоорондын зорчигч тээврийн хэрэгслүүдийг буцаан татах, орон нутаг талаас ирж буй тээврийн хэрэгслүүдийг хот суурин газар байршуулах арга хэмжээг авч ажиллаж байна.

Сэрэмжлүүлэг: Өнөөдөр Дархан,Орхон,Булган,Хөвсгөл,Сэлэнгэ,Төв, Дорнод, Хэнтий,Сүхбаатар аймгууд болон Багануур,Налайх дүүргийн нутгаар хүчтэй аадар бороо орох тул хөдөө орон нутгийн замд зорчихгүй байхыг анхааруулж байна.