“HUAWEI” КОМПАНИЙ АЖИЛТНУУДТАЙ ХАРИЛЦАХЫГ ХОРИГЛОВ

АНУ, Өмнөд Солонгосын хэд хэдэн том компаниуд ажилтнууддаа “Huawei” компанийн мэргэжил нэгтнүүдтэйгээ уулзах, харилцах, холбогдохыг хориглож эхэлсэн талаар “Reuters” агентлаг мэдээлж байна.

Америкийн “Intel”, “Qualcomm”, “InterDigital Wireless”, Өмнөд Солонгосын “LG Uplus” компаниудын удирдлага ийм мэдэгдэл хийсэн байна. Технологийн стандарт тогтоох зорилготой янз бүрийн олон улсын уулзалтын үеэр өөр өөр компани мэргэжилтнүүд албан бус нөхцөлд уулзаж ярилцах нь хэвийн үзэгдэл. Гэтэл ингэж уулзахыг хүртэл хориглож байгаа нь 5G стандартыг нэвтрүүлэх хурданд сөргөөр нөлөөлж магадгүй гэж зарим шинжээж үзэж байна.

Үүнээс өмнөхөн БНХАУ-ын Гадаад харилцааны яам нь “Huawei”компанийн эсрэг АНУ-ын эрх баригчдын явуулж байгаа үйлдлийг гутамшигтай, ёс суртахуунгүй гэж мэдэгдсэн юм.