ЖАСТИН БИБЕР, ТОМ КРУЗ НАРЫН  ТУЛААНЫГ ЗОХИОН БАЙГУУЛЖ БОЛНО ГЭВ

“UFC”-ийн аварга асан алдарт Конор Макгрегор нь дуучин Жастин Бибер ба Холливудын од Том Крузын хооронд халз тулаан явуулах зохион байгуулалтын ажлыг гүйцэтгэхэд бэлэн гэсэн утгатай мэдэгдэл хийсэн нь багагүй дуулиан тариад байна. Макгрегор нь өөрийн Twitter хуудсандаа “Хэрэв Том Круз энэхүү дуудлагыг хүлээн авах хангалттай эр зоригтой байвал “McGregor Sports and Entertainment” промоушен нь тулааныг зохион байгуулах болно” гэж бичжээ.

Дуучин Бибиер нь Twitter хуудсаараа Том Крузыг халз тулаанд дуудаж “Би Том Крузтай октагонд хүчээ үзэхийн тулд халз тулаанд дуудахыг хүсч байна. Том, чи энэ тулаанаас татгалзвал хулчийсан хэрэг болж, нэрээ хэзээ ч цэвэрлэж чадахгүй шүү.

Тулаанд хэн оролцохыг хүсч байна, Дана Уайт байна уу?” гэжээ.Дана Уайт нь Тулаанчдын үнэмлэхүй аварга шалгаруулах тэмцээн “UFC”-ийн тэргүүн юм.