МЕКСИК БА АНУ-ЫН ХООРОНД ГАЙХАЛТАЙ ХАМТЫН АЖИЛЛАГАА ӨРНӨНӨ ГЭВ

АНУ-ын Ерөнхийлөгч Д.Трамп нь хууль бус цагаачлалын эсрэг авах арга хэмжээний талаар Мексикийн Ерөнхийлөгч Андрес Мануэль Лопес Обрадортой утсаар ярилцан тохиролцоонд хүрч чаджээ. Тэрээр энэ талаар “Одооноос Мексик ба АНУ-ын хооронд гайхалтай хамтын ажиллагаа өрнөж эхлэх нь олон арвын жилийн турш байгаагүй зүйл билээ” гэж мэдэгджээ.Гэхдээ Трампын хэлсэн үг ирээдүйд итгэсэн өөдрөг үзлээс гадна сүрдүүлэг бас давхар дагуулсан байсныг хэлэх хэрэгтэй. Тэрээр “...Гэхдээ ямар нэг ойлгомжгүй шалтгааны улмаас ийм биш болж таарвал бид худалдааны татвар ногдуулах тун ашигтай өмнөх байр сууриндаа хүссэн үедээ эргэн очиж чадна. Гэвч тийм шаардлага гарахгүй байх гэж бодож байна” гэжээ.Трампын яриад байгаа “өмнөх ашигтай байр суурь” гэж зургаадугаар сарын 10-аас эхлэн Мексикийн бүх бараанд 5 хувийн нэмэлт татвар ногдуулах шийдвэрийг хэлсэн бололтой. Улмаар Төв болон Өмнөд Америкийн хууль бус цагаачдыг тогтоох, хил давахыг тогтооон барих арга хэмжээг Мексикийн Засгийн газар яаралтай авч хэрэгжүүлээгүй тохиолдолд нэмэлт татварын хэмжээг аравдугаар сар хүртэл сар болгон 5 хувиар нэмнэ гэж анхааруулаад байсан юм.Харин одоо ийнхүү Мексийн эрх баригчид хууль бус цагаачид, хүний наймааны эсрэг дорвитой арга хэмжээ авахаар болсны дараа гаалийн нэмэлт татвар ногдуулах тухай заалтын хэрэгжилтийг тодорхойгүй хугацаагаар зогсоосон байна.