ХЯТАД АФРИКИЙН ХУДАЛДААНЫ ЭРГЭЛТ 204 ТЭРБУМ ДОЛЛАРТ ХҮРЧЭЭ

2018 онд Хятад ба Африкийн улсууд хоорондын худалдааны эргэлт 20 хувиар өсч 204 тэрбум ам.долларт хүрсэн тухай “Синьхуа” агентлаг мэдээллээ.БНХАУ-ын Арилжааны орлогч сайд Цянь Кэминь Бээжинд болсон хэвлэлийн бага хурал дээр энэ тухай мэдэгдсэн байна. Түүнчлэн орлогч сайд нь Хятад ба Африкийн улс орнуудын харилцаа тогтвортой бөгөөд хурдацтай өргөжин тэлж байгааг онцолж. Ялангуяа Хятадын экспорт дахь цахилгаан техник ба өндөр технологийн салбарын бүтээгдэхүүний эзлэх хэмжээ даруй 56 хувиар өссөнийг дурдсан байна.2018 онд Хятад нь Африкийн орнуудад 46 тэрбум долларын шууд хөрөнгө оруулалт хийж 3,7 мянган үйлдвэр байгуулсан бол эдийн хөгжил хамгийн өндөр найман улсад Хятадын юань нь нөөцийн валют болсон. Ингэхдээ Африкийн улс орнуудад эдийн засгийн өсөлтөд голлох үүрэг гүйцэтгэх өөрийн гэсэн хүчин бий болгоход Хятад онцгой анхаарч байгаа гэсэн байна.