ЦАХИЛГААНЫ ХӨДӨЛГҮҮРТЭЙ МАШИНЫ БОРЛУУЛАЛТЫГ 5,5 САЯ ХҮРГЭНЭ

Японы “Toyota Motor” компанийг албан ёсны төлөөлөгч энэ сарын 7-нд хийсэн  мэдэгдэлдээ 2030 он гэхэд цахилгаанаар ажилладаг машинуудынхаа борлуулалтыг 5,5 саяд хүргэнэ гэжээ. Европ дахь гибрид хөдөлгүүртэй тээврийн хэрэгслийн (HV) борлуулалт энэ жил огцом өссөн тул ийм мэдэгдэл хийсэн байна.Хүмүүс агаар мандалт цацагдах хорт хийг багасгахад илүүтэй анхаарч, хариуцлагатай хандах болсноор экологийн цэвэр загваруудыг сонгох нь өссөн гэж “Toyota Motor” компанид үзэж байгаа аж.Энэ ангилалд багтах машины борлуулалт 2018 онд 1,68 сая хүрсэн.“Toyota Motor”-ын одоогийн борлуулалт жилийн 10 сая байгаа юм. Хэрэв борлуулалт энэ хэмжээгээрээ байвал арван жилийн дараа гэхэд нийт борлуулалтын тэн хагас нь цахилгаан машинд ногдох болно. Түүнчлэн тусгайлан Японы онцлогт тохируулсан ойрын замд явах зориулалттай нэн бага оврын цахилгаан машин бүтээхээр ажиллаж байгаа юм байна.