МЭДЭГДЭЛ: ТОДОРХОЙГҮЙ ХУГАЦААГААР АЖИЛЛАХ БОЛОМЖГҮЙ

Баянзүрх дүүрэг дэх И-Март худалдааны төвийн нэг давхарт бямба гаригт гал гарсан билээ. Галын дүгнэлт албан ёсоор гараагүй ч урьдчилсан байдлаар цахилгааны утаснаас үүссэн байж болзошгүй юм. И-Март худалдааны төвийн нэг давхарт гарсан гал харьцангуй бага, утаажилт их байсныг саармагжуулж бүрэн унтраасан. Тус төвд галын улмаас шатсан зүйл бага, цахилгааны болон кабелийн утаснууд шатсаныг унтрааж аюулгүй болгосон аж. Хүний амь нас эрсдээгүй, гараашт байрлуулсан автомашинуудыг гаргаж гал түймрийн эрсдэлээс сэргийлж ажиллаа.  

Имарт" сүлжээ дэлгүүрийн "Чингис" салбарт  гал гарсны улмаас тодорхойгүй хугацаагаар, түр ажиллах боломжгүй болжээ. Энэ талаар тус дэлгүүрээс албан ёсоор мэдээлж, "Имарт Чингис" салбарын үйл ажиллагааг хурдан хэвийн байдалд оруулахын төлөө ажиллаж байна" гэжээ.