ШАГНАЛАА АВАХ БОЛОМЖГҮЙН АЧААР 1 САЯ ДОЛЛАР ХОЖСОН БАЙНА

Америкийн Мэриленд мужийн Балтимор хотын оршин суугч сугалаагаар хожсон мөнгөө газар дээр нь авч чадаагүйн ачаар өөр сугалаанаас асар их мөнгө хожсон сонирхолтой явдал гарчээ.Сугалаагаар их хэмжээний мөнгө хожсоны дараа нэрээ хэлэхээс татгалзсан 78 настай эр сонихолтой түүхээ сэтгүүлчдэд ярьсан байна. Тэрээр ойролцоох дэлгүүрээс “Gold Bar Bingo” сугалааны хэдэн тасалбар авч. Тэгээд сугалаагаа газар дээр нь шалгатал нэг тасалбар 500 доллар хожиж. Сугалааны журам ёсоор бага хэмжээний хожлыг газар дээр нь авах боломжтой байдаг тул сугалаа зарсан дэлгүүрээс авах гэжээ. Гэтэл дэлгүүрийн касс дээр суудаг бүсгүй “Сугалааны мөнгийг тусад нь сейфенд хадгалдаг. Тэндээс мөнгө авах эрх зөвхөн менежер бий. Харин менежер нь байхгүй байна” гэсэн байна. Ийм хариу сонссон ч хүн тэрээр сэтгэлээр унасангүй өөр нэг дэлгүүр ороод “Monopoly” сугалааны 20 долларын тасалбар авч. Тэгтэл тэр сугалаагаар мань хүн 1 сая доллар хожсон аж. Хэрэв эхний сугалааны хожлоо газар дээр нь авч  чадсан бол өөр дэлгүүр орж, өөр сугалгаа авахгүй, өөр сугалаа авахгүй бол 1 сая доллар хожихгүй байсан гэж тэрээр хэлжээ. Түүнийг 1 сая доллар хожсон гэдэгт эхнэр нь арай ядан итгэсэн тухай сэтгүүлчдэд сонирхуулсан байна. Азтай хосууд одоо шинэ байр авахаар хайж байгаа гэнэ.Үүнээс өмнөхөн Умард Каролина мужид амьдардаг хүн дотроо мэргэтэй сугалаа бөглөхдөө дотроо мэргийн тоо нуусан байдаг жигнэмэг авч тэндээс гарсан тоог сугалаанд бөглөж бичээд 344,6 сая доллар хожсон явдал гарсан.