ВЬЕТНАМ 300 МЯНГАН ТОНН ХҮНС ЗЭЭЛЭЭР ОЛГОНО

Умард Солонгос нь Вьетнамаас 300 мянган тонн хүнсний бүтээгдэхүүн зээлээр авах хүсэлт гаргасан тухай Өмнөд Солонгосын “Чунан ильбо” сонин мэдээлэв.

Тус сонины мэдээлж байгаагаар Ким Жон Ун энэ оны хоёрдугаар сард Трамптай уулзахаар Ханойд очихдоо тус улсын удирдлагад ийм хүсэлт гаргасан аж. Вьетнамын удирдлага нааштай хариу өгсөн юм байна.

Умард Солонгост он гарсаар өдийг хүртэл ердөө 56,3 мм хур тунадас орсон нь сүүлийн 100 жил таарч байгаагүй хатуу ган үүсгэсэн тухай тус улсын мэдээллийн агентлаг саяхан мэдээлж байсан. Мөн 2018 онд сүүлийн 10 жилийн хамгийн бага ургац хураан авсан зэрэг нь Умард Солонгосын 10 сая гаруй хүнийг хүсний гачигдалдалд оруулаад байна гэж НҮБ-ын Дэлхийн хүсний хөтөлбөрийн мэргэжилтнүдийн үзжээ.