ГАН ГАЧИГИЙН УЛМААС 5,4 САЯ ХҮНД ӨЛСГӨЛӨНГИЙН АЮУЛ НҮҮРЛЭЭД БАЙНА

Сомали улсыг дайрсан ган гачигийн улмаас 5,4 сая хүн дараа сараас эхлэн хүнсний ноцтой дутагдалтай тулгарахаар байгаа НҮБ мэдээлжээ. Дэлхийн цаг агаарын өөрчлөлтөөс үүдэлтэйган гачин Сомалиг дайрах нь улам олширч байгаа тухай НҮБ-ын дүрвэгсдийн хэрэг хариуцсан агентлаг анхааруулж байна. Сомали 2015-2017 оны хүчтэй гангийн дараа дөнгөж эргэн сэргэж эхэлж байтал энэ жил ахин ган болжээ. Өмнөх жилүүдийн гангийн улмаас сая гаруй хүн ус, хоол хүнс, ажил хайн орон гэрээ орхин дүрвэхэээс өөр аргагүй болж байсан. Энэ жилийн гангийн улмаас одоогийн байдлаар 50 мянган хүн дүрвээд байна.

Гангийн улмаас Сомалид хүнсний хомсдол үүсээд байгаа нь одооноос хүчтэй мэдрэгдэж эхлэлсэн бөгөөд хүмүүнлэгийн байгууллагууд яаралтай тусламж үзүүлж эхлэхгүй бол байдал улам л даамжирна гэдгийг НҮБ-ын дүрвэгсдийн хэрэг хариуцсан агентлаг онцолжээ.