ИРАНЫЭСРЭГБАЙЛДААНЫ АЖИЛЛАГАА ЯВУУЛАХЫГ ҮГҮЙСГЭСЭНГҮЙ

АНУ-ын Ерөнхийлөгч Дональд Трамп Британий “ITV” сувагт ярилцлага өгөхдөө Ираны эсрэг байлдааны ажиллагаа явуулахыг үгүйсгэсэнгүй. Ярилцлагын үеэр тэрээр Ираны Ерөнхийлөгч Хасан Руханитай уулзахад бэлэн гээд байлдааны ажиллагааны явуулах тухайд “Тийм бломж ямагт байдаг. Би хүсч байна уу гэж үү? Үгүй. Би хүсэхгүй байна. Гэхдээ тийм боломж үргэлж бий” гэжээ. Мөн түүнийг Ерөнхийлөгчөөр сонгогдох үед Иран нь маш их дайсагнасан улс байсан гээд “Тэр үед тэд нар дэлхийн номер нэг алан хядагч үндэстэн байсан, магадгүй өнөдөр ч тийм байж болох юм” гэжээ.

Трамп нь өнгөрсөн жил Ираныг үйл олноор хөнөөх зэвсэг үйлдвэрлэхээр завдаж байна гээд Ирантай байгуулсан хэлэлцээрээс дангаар гарч, 2018 оны арваннэгдүгээр сараас тус улсын эсрэг бүх талын хориг арга хэмжээ авсан. Хариуд Иран энэ оны тавдугаар  өмнөх тохиролцооны дагуу мөрдөж байсан цөмийн хөтөлбөртэй холбоотой зарим заалтыг биелүүлэхээс татгалзаж байгаагаа мэдэгдсэн. Ингэснээр байдал улам хурцадаад байгаа. Харин энэ сарын зургаанд АНУ нь Ираныг цаашдаа ямар ч нөхцөлд үйл олноор хөнөөх зэвсэг үйлдвэрлэхгүй гэсэн баталгаатай цөмийн хөтөлбөрийн талаарх шинэ тохиролцоо хийхэд бэлэн гэж мэдэгдсэн юм.