KFC-ЭЭС ӨМГӨӨЛӨГЧИЙГ ДАРАМТАЛЖ ЭХЭЛЖЭЭ

Түргэн хоолны сүлжээ KFC-д хоол идээд хордлого авсан гэх асуудлыг өөрийн цахим хуудаснаа нийтэлсэн иргэн, иргэний мэдээллээр сурвалжилга бэлтгэсэн телевизийг зөрчлийн хуулиар торгуулсан KFC-ийн шүүх хурал өнөөдөр болсон. Шүүх хурлын дараа манай сурвалжлах баг мэдээллийг шууд хүргэсэн. Тэгвэл мэдээлэл өгсөн телевизийн өмгөөлөгч О.Санчирбалыг KFС-ээс дарамталж эхэлжээ. Тодруулбал, тус компанийн итгэмжлэгдсэн хоёр төлөөлөгч “Анхан шатны шүүх хурлын шийдвэрийн талаар zarig.mn сайтад ярилцлага өгч олон нийтэд ил болгосон. Давах шатны эцсийн шийдвэр гараагүй байхад хуульчийн хувьд ийм хариуцлагагүй үйлдэл гаргаж байга нь ёсзүйгүй” хэмээн дарамт үзүүлж эхэлжээ. Энэ талаар өмгөөлөгч өмгөөлөгч О.Санчирбал “Миний хувьд өнөөдөр буюу 2019 оны 06 дугаар сарын 5-ны өдөр дүүргийн Эрүүгийн хэргийн анхан шатны шүүх дээр Зөрчлийн тухай хуулийн 6.21 дүгээр зүйлд заасан /Гүтгэх/ шүүх хуралд оролцлоо. Миний үйлчлүүлэгч байгууллага нэгэн телевизийн байгууллага юм л даа. Уг нь ТВ маань иргэний гаргасан “...хоолны газраар үйлчлүүлж байгаад хордсон” гэх гомдлын дагуу мэдээлэл бэлтгэж, мэдээллээ олон нийтэд сэрэмжлүүлэх зорилгоор мэдээллийнхээ хөтөлбөрөөр олон нийтэд хүргэснийхээ төлөө 20.000.000 /хорин сая/ төгрөгөөр торгуулсан. Торгууль оногдуулсан шийдвэрт нь гомдол гаргасны үндсэн дээр өнөөдөр анхан шатны шүүх хурал болж ТВ-д мэдээлэл гаргасан иргэнийг 2.000.000 /2сая/, ТВ-г торгосон 20.000.000 /20 сая/ төгрөгөөр торгосон шийтгэлийг хүчингүй болгосон. Шүүхийн шийдвэрийн дараа дээрх асуудлын талаар шүүхээс гарсан шийдвэрийн талаар сайтад ярилцлага өгсөний төлөө “ХУУЛЬЧИЙН ЁС ЗҮЙ” заагч нартай тулгарч эхэлсэн дээ. Цаашид тэр нэгэн мөнгөтэй компани яаж оролдох юм байган, сүрдүүлгэ чинь хэрээс хэтэрвэл миний хувьд өөрийн гэсэн үзэл бодлын хүрээнд, өөрөөс шалтгаалах бүх зүйлээ хийх хэлчихье. Нэг үгээр хэлбэл “...нэгийгээ үзэж, нэхий дээлээ тайлсан ч яадаг юм” айна ч гэж байхгүй шүү. Мөнгөтэй компани яахыг харж л байя” хэмээжээ