АЛДААГ НЬ ХЭЛСЭН ҮЙЛЧЛҮҮЛЭГЧТЭЙГЭЭ ШҮҮХДДЭГ, ШҮҮХДЭЭД ЯЛАГДДАГ KFC

Иргэн У өнгөрсөн 3-р сарын 18-ны өдөр хүүтэйгээ КFC-ээр үйлчлүүлж хоолны хордлого авч, эмнэлэгт хэвтсэн талаар өөрийнхөө цахим хуудсанд сэрэмжлүүлэг бичжээ. Үүнийх нь төлөө KFC иргэнийг Зөрчлийн хуулиар гүтгэсэн хэмээн цагдаад хандаж, хоёр сая төгрөгөөр торгуулсан байна. Мөн тухайн иргэний мэдээллээр сурвалжилга бэлдсэн С1 телевизийг буруутган цагдаад хандсанаар Баянзүрх дүүргийн цагдаагийн алба хаагч С1 телевизийг 20 сая төгрөгөөр, иргэн Ууганбаярыг 2 сая төгрөгөөр торгосон байна. Харин телевиз болон иргэн У нар зөрчлийг хүлээн зөвшөөрөөгүй тул Баянзүрх дүүргийн эрүүгийн хэргийн анхан шатны шүүхэд хандсаны дагуу шүүх хурал өнөөдөр болж, "КFC сүлжээ хоолны газрыг гүтгээгүй" нь тогтоогдож, торгуулийг хүчингүй болгосон байна.