СЭРЭМЖЛҮҮЛЭГ: АВТОМАШИНЫ АРЫН СУУДЛЫН ЦОНХООР БАГА НАСНЫ ХҮҮХЭД УНАЖ, АМЬ НАСАА АЛДЛАА

О.Шүрэнцэцэг

2019/06/05

Тодруулбал, энэ сарын 3-ны өдөр Өмнөговь аймгийн Хүрмэн сумын нутагт хөдөөний замд явж байсан автомашины хойд талын цонхоор гурван настай хүүхэд унаж, араас нь явж байсан машинд дайруулан амиа алджээ. Хэрэг гарах үед хүүхэд арын суудалд ганцаараа явж байсан бөгөөд асран хамгаалагч нарын хайхрамжгүйгээс үүдэн ийнхүү цонхоор унажээ. Хэргийг Өмнөговь аймаг дахь цагдаагийн газарт үргэлжлүүлэн шалгаж байна.

Иймд, эцэг, эхчүүд хүүхдэдээ тавих хараа хяналтаа сайжруулан, анхаарал болгоомжтой байх, автомашины зориулалтын суудал хэрэглэхийг цагдаагийн байгууллагаас зөвлөж байна. Ялангуяа сургуулийн цэцэрлэгийн амралт эхэлсэн энэ үед хүүхдээ автомашиндаа авч явах тохиолдол нэмэгдэж буй тул эцэг эхчүүд анхаарал болгоомжоо нэмэгдүүлэх шаардлагатай байна.

Зориулалтын автомашины суудал хэрэглэснээр нярай хүүхдийг зам тээврийн осол гэмтлээс 70 хүртэлх хувиар, бага болон өсвөр насны хүүхдийг 55-80 хувиар хамгаалдаг ажээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ